Profesori universitar, Blerim Latifi, i ka krahasuar negociatat e VV-së dhe LDK-së me serialin e njohur komik “Mahmutovitët dhe Rexhepovitët”.

Siç kujton ai, tek ky serial, dy familje herë shajnë, fyejnë e kërcënojnë njëra-tjetrën, e herë i dërgojnë mesazhe vëllazërie.

Profesorit që ishte këshilltar i kryeparlamentarit Kadri Veseli, negociatat e tilla po i duken të ngjashme.

“Menjëherë pas luftës ka pas qenë një serial televiziv në Kosovë i quajtur “Mahmutovitët e Rexhepovitët”, me kryeprotagonistë Xhevat Qenën, tanimë i ndjerë, dhe Adem Mikullovcin. Dy familje e kalojnë gjithë kohën herë duke e sharë, fyer e kërcënuar njëra tjetrën, e herë duke këmbyer mesazhe vëllazërie e bashkëjetese. Këto negociatat midis VV-së dhe LDK-së kanë filluar t’i ngjajnë këtij seriali, krejtësisht”, ka thënë Latifi.